أخبار الموقع

قصة لجوء من جدة إلى مونتريال الحلقة الاخيرة

قصة لجوء من الألف إلى الياء 

( الطريق من جدة إلى مونتريال )

الحلقة الأخيرة.
صباح الخير او مساء الخير لكل الشباب و الصبايا بالشرق و الغرب ...

حبيت تكون الحلقة الأخيرة هي حكايتي مع الهجرة ... و قلت شاركها معكم لحتى 
تستفيدوا كلكم منها و تكونوا صاحيين لأشياء قد لا تخطر على بال أحدكم ... طبعا رح
 نبقى على صلة بكل شي بشوف انو تجربة تستحق العرض مع إنو كل يوم بكندا هو
 تجربة جميلة تستحق إنو الواحد يعيشها ...
كفلاش باك ... وصلنا في يوم جميل من شهر يوليو و بعد إجراءات المطار وصرنا 
بالبيت و ظبطنا أمورنا ... تاني يوم و بعد ما رحت عملت رقم الضمان الإجتماعي 
و رجعنا عالبيت و دخلت على ملفي في موقع الهجرة و قمت بتعديل العنوان ليصب
ح العنوان الجديد هو العنوان الأساسي و كل شي عال العال – طبعا لا تنسى انك 
تحط اكس على مربع صغير عم يخبرك اذا العنوان اللي كتبته هو نفس عنوانك البريدي 
... بعد شي خمس أيام إتصلت على رقم الهجرة لحتى أخبرهم إنو أنا عملت 
رقم الضمان الإجتماعي و أتأكد إني العنوان تغير عندهم فعلاً و إنو الأمور ماشية
 صح ... خبرتني الموظفة إنو العنوان تغير و كل شي تمام و سكرت معي الخط ...
 طبعا بين قوسين رقم الهجرة هو 8882422100 و بعدين بنكمل الى اختيار اللغة
 و اللي انا اخترتها واحد للغة الإنكليزية كونه صاحبكم أبيض بالفرنسي و بعدها 
بتختار الخيار رقم 2 من لائحة الخيارات اللي بعدها و بعدها الخيار رقم 3 من 
لائحة الخيارات اللي بعدها و بعدها تختار رقم 0 للتحدث إلى الموظف ... و طبعا 
جهز نفسك على انو الإنتظار ما بين 35 دقيقة الى ساعة وأحيانا ما بيخليك إنتظار 
لشدة الضغط و بيفصل الخط بشكل تلقائي ... ما علينا النصيحة أحسن وقت للإتصال
 هو الساعة تسعة الصبح ... كمان لازم تجهز معلوماتك الشخصية و اللي هي 
رقم الملف الموجود في اعلى ورقة اللاندينغ و عندي إسمه UCI number  و 
أحيانا بيطلبوا الجي نمبر و اسمك الكامل و تاريخ الميلاد و مكان الميلاد ...
لهون والأمور تمام ... بعد حوالي 50 يوم من تاريخ الوصول الى مونتريال ... اتصلت
 فيهم لحتى أشوف إذا الأمور ماشية صح و لا في شي و إذ الموظفة بتخبرني
 إنو الصور مرفوضة و إنو النظام كان رح يبعت لك بريد بهادا الخصوص و
 طالما انت اتصلت فأنا رح وفر وقت و ابعت لك عالإيميل هادا الطلب ... فقلت لها 
و ليش تنتظروا النظام يرسل و ما تخبروني فورا عالجوال و خصوصا انو 
مسجل عندكم رقم جوالي فطنشتني ... و فعلا وصل الإيميل فورا و فيه العنوان 
اللي لازم ابعت الصور إلو ... سكرنا الخط و رحنا تصورنا فورا عند جان كوتو و 
عند فارما بري احتياطا لحتى اشوف شو الفرق بين التصوير في المكانين و
 أختار أحسن الصور و الحمد لله إني عملت هيك لأنو صور جان كوتو صلعت 
كتير غامقة و ما رضيو يعيدوها ... بصراحة فارما بري أحسن من ناحية الصور
 و التعامل ... و ارسلت الصور تبع فارما بري عبر كندا بوست بخدمة 
التوصيل السريع خلال 3 ايام ب 22 دولار ... و فعلا وصلوا بعد يومين تمام ...

صاحبكم حب يتأكد إنو استلموا الصور رجعت اتصلت فيهم و بعد انتظار طويل
 ردت علي موظفة و قالت لي انو الصور الهم دور طويل لحتى يقدروا يشتغلو عليهم
 و يعرفوا اذا الصور مقبولة ولا مو مقبولة ... و هون حصلت المفاجأة ... قالت 

لي الموظفة إنو صورة زوجتك مقبولة و إنو اقامتها جاهزة للطباعة بس لأنو ما 
في عنوان لم ترسل إلى الأن ... هون أنا قلت لها كيف مافي عنوان و انا مغير 
عنواني و متأكد من هالشي منكم يعني معقول العنوان عندي تغير و ما يتغير 
عند عائلتي .. فردت علي بكل برود إنو أنا ملف لحالي و كل فرد ملف لحالو 
ولازم يكون إلو عنوان مدخل فترجيتها إنو تدخل عنواني لكل أفراد العائلة و هون
 بدأت سين و جيم عن كل فرد من افراد عائلتي و بعد ما تأكدت إنو فعلا هم عائلتي .

.. غابت عني شي خمس دقائق و رجعت لعندي و قالت لي خلص عبيت العنوان
 لكل العيلة و إنو اقامة زوجتي رح توصل خلال ايام ... لهون و كل شي تمام ....

بعد يومين ما بلاقي غير ايميل إجاني من جماعة الهجرة إنو عنوان ابني الكبير غلط 
و عم يطلبوا مني إدخال عنوان صح ... هون بقى انا ما عاد فيني عقل ... اتصلت في
هم لجماعة الهجرة فطلع لي شخص مقدر .. عرفتو من صوتو ... فخبرتو بالإيميل
 فغاب شوي و رجع يخبرني إنو الموظفة اللي دخلت العنوان في ملف ابني دخلتو 
غلط ... و اعتذر مني كتير و قال لي الخطأ البشري وارد ... فطلبت منه انو كرمال 
الله يتأكد من كل شي مرة اخرى فالزلمة أكد لي انو خلص ما عاد استلم اي 
ايميلات خطأ و إنو كل الأمور بخير ...  و خلال  خمس أيام من تاريخ المكالمة 
وصلت اقامة زوجتي ... و نحنا لسى عم ننتظر فرج الله القريب ... دعواتكم ...

متابعة م. خالد الغدير 


ليست هناك تعليقات

Sora Templates جميع الحقوق محفوظة © Roua Kayal
google.com, pub-4684902950053739, DIRECT, f08c47fec0942fa0